«Այսինքն՝ ինչո՞ւ պետք է չմասնակցեի»,- ՀՀ երրորդ նախագահ Սերժ Սարգսյանն այսպես արձագանքեց այն հարցերին՝ թե ինչու է որոշել մասնակցել Ջահերով երթին։
Դիտարկմանը՝ չի՞ կարծում, որ իր մասնակցությամբ այն քաղաքականացվում է, Սերժ Սարգսյանը պատասխանեց․ «Այսինքն՝ ես քաղաքացի լինելուց հրաժարվե՞լ եմ։ Քաղաքականությունը մի բան է, քաղաքացի լինելը՝ երկրորդ։ Ցանկացած քաղաքական գործիչ ինքն առաջին հերթին պիտի լինի քաղաքացի»։
Կարդացեք նաև
Լրագրողները հիշեցրին Նիկոլ Փաշինյանի հայտարարությունները, թե Սերժ Սարգսյանի նախագահության օրոք Արցախի նշաձողն իջեցվել է և հարցրին՝ իր առաջ նման պահանջ դրվե՞լ է, Սերժ Սարգսյանը պատասխանեց․ «Ոչ։ Ի՞նչ է նշանակում դա։ Ես կարծում եմ՝ նման հարցերին ոտքի վրա պատասխանելն այնքան էլ հարիր չէ, այնուհանդերձ, Ադրբեջանն էլ չէր ուզում 1988-ից սկսած ընդհանրապես որևէ նշաձողի մասին խոսել։ Արդյոք դա ինչ-որ մի փաստ է, որը մեզ պիտի ստիպեր հրաժարվե՞լ մեր նպատակներից։ Իհարկե, ոչ։ Բոլոր այդ փաստաթղթերը կան։ Դուք պահանջեք Նիկոլ Փաշինյանին թող հրապարակի, թե 2019-ին իրենք ինչ են առաջարկել, և ընդհանրապես իր համար որն է նշաձողը»։
Տաթև ՀԱՐՈՒԹՅՈՒՆՅԱՆ
