«Մեր դիրքորոշումը մեկ անգամ չէ, որ հայտնել ենք։ Եռակողմ համաձայնագրում արձանագրված բոլոր դրույթները պետք է անշեղորեն կատարվեն»,-Հաղթանակի զբոսայգում «Հիշատակի այգի» խորագրով միջոցառման ժամանակ ի պատասխան լրագրողների հարցին՝ ինչպե՞ս կմեկնաբանեք Փառուխում իրավիճակը, այսպես պատասխանեց ՀՀ-ում ՌԴ դեսպան Սերգեյ Կոպիրկինը։
Նշենք, որ Հաղթանակի զբոսայգում ստեղծվեց «Հիշատակի այգի» և 150 ծառ տնկվեց՝ Հայրենական Մեծ պատերազմի նահատակների հիշատակին նվիրված։
Կրկին անդրադառնալով Փառուխում ստեղծված իրավիճակին՝ Սերգեյ Կոպիրկինը նշեց՝ ՌԴ ԱԳՆ-ի դիրքորոշմանն ավելացնելու ոչինչ չունի․ «Ես հիմա չեմ ուզում ինձ վրա վերցնել պատասխանատվություն և տալ գնահատականներ։ Մեր դիրքորոշումը ոչ մեկ անգամ ենք մենք հայտնել, ՌԴ ԱԳՆ-ն, ԱԳՆ հատուկ ներկայացուցիչ Մարիա Զախարովան դրա մասին բազմիցս հայտնել է»։ Ըստ դեսպանի՝ ՌԴ խաղաղապահների առաքելությունն ուղղված է տարածաշրջանում խաղաղության և կայունության ապահովմանը․ «Ինչ վերաբերում է խաղաղապահների թվին, ապա դա որոշված է եռակողմ պայմանագրերով»։
Լրագրողները հիշեցրին ռուս խաղաղապահների նկատմամբ ծառայողական քննություն իրականացնելու մասին ՀՀ վարչապետ Նիկոլ Փաշինյանի հայտարարությունները, ՌԴ դեսպանն ասաց․ «Խաղաղապահներն անում են այն, ինչ իրենցից է կախված, որ ռեգիոնում խաղաղություն ու կայունություն պահպանեն։ Դա բոլորի կողմից է ընդունված, որ ռուս խաղաղապահներն ունեն ամենակարևոր դերակատարությունը տարածաշրջանում խաղաղության և կայունության ապահովման հարցում։ Դա ոչ մեկ կասկածի տակ չի դնում»։
Կարդացեք նաև
Տաթև ՀԱՐՈՒԹՅՈՒՆՅԱՆ
