«Չեմ կարող պատասխանել այդ հարցին՝ դատավոր կա այն ժամանակ էլ էր անկախ, հիմա էլ է անկախ և հակառակը»,- հարցին ՝ ի՞նչ եք կարծում՝ դատավորները մինչև 2018-ն էին ավելի անկա՞խ, թե՞ 2018-ից հետո, ՀՀ դատավորների միության 25-ամյակի կապակցությամբ հրավիրված հանդիսավոր հավաքից առաջ լրագրողների հետ զրույցում այսպես պատասխանեց Հայաստանի դատավորների միության նախագահ Ալեքսանդր Ազարյանը:
Հարցին՝ ինչպե՞ս կգնահատի ներկայումս դատական համակարգում իրականացվող բարեփոխումները, օրինակ՝ հակակոռուպցիոն դատարանի ստեղծումը, նա պատասխանեց. «Պետք է աշխատի, որպեսզի հետագայում ցույց տա՝ արդյոք արդարացրե՞լ է իր վրա դրած սպասելիքները»:
Հանդիսավոր հավաքի բացման արարողության ժամանակ Ալեքսանդր Ազարյանը, նշելով միության հիմնական ուղղությունները, առանձնացրեց Արցախի գործընկերների հետ հարաբերությունների ակտիվացումը, Արցախում և ՀՀ-ում համատեղ միջոցառումների իրականացումը, ինչպես նաև դատական իշխանությունների միջազգային կառույցների, այլ երկրների դատարանների միությունների համագործակցության ամրապնդումը:
Կարդացեք նաև
Տաթև ՀԱՐՈՒԹՅՈՒՆՅԱՆ
