Ապրիլի 13-ին Ազգային ժողովի նիստում ՀՀ վարչապետ Նիկոլ Փաշինյանը հայտարարեց. «Այսօր միջազգային հանրությունն ասում է մեզ՝ մի փոքր իջեցրեք ձեր նշաձողը Լեռնային Ղարաբաղի հարցում, և դուք կունենաք ավելի մեծ միջազգային կոնսոլիդացիա։ Հակառակ դեպքում խնդրում են իրենց վրա հույսեր չդնել։ Դա ոչ թե օգնություն ցուցաբերելու ցանկության բացակայությունից է, այլ նրանից, որ ուղղակի չեն կարողանում դա տրամադրել»։ Սակայն պատմությունը ցույց է տալիս, որ չի կարելի հույս դնել «միջազգային հանրության» օգնության վրա։ Ինչու՝ մեր նյութում:
ԱՖՂԱՆՍՏԱՆ
2001 թվականի սեպտեմբերի 11-ի հարձակումներից հետո ԱՄՆ-ը սկսեց ռազմական առաքելությունը Աֆղանստանում, որը տևեց գրեթե 20 տարի: Այնուամենայնիվ, մեկ առ մեկ գրավելով երկրի բոլոր խոշոր քաղաքները՝ 2021 թվականի օգոստոսի 15-ին «Թալիբան» (Ռուսաստանի Դաշնությունում արգելված) ահաբեկչական խմբավորման զինյալները գրավեցին մայրաքաղաք Քաբուլը՝ դրանով իսկ ձեռք բերելով իշխանություն Աֆղանստանում։ Դրանից հետո հարյուրավոր մարդիկ խուճապահար շտապեցին մայրաքաղաքի օդանավակայան՝ երկիրը լքելու ակնկալիքով։
Այդ պահից սկսվեց արևմտյան դիվանագետների, ինչպես նաև ՆԱՏՕ-ի հետ համագործակցող աֆղանցիների հապճեպ տարհանումը. նրանք վախենում էին թալիբների վրեժից։ Միաժամանակ ԱՄՆ-ը որոշեց դուրս բերել իր զորքերը։ ԱՄՆ-ից հետո դա արեցին Հյուսիսատլանտյան դաշինքի այլ երկրներ։ Աֆղանստանի կառավարական զորքերը ասում են, որ զինվորականների դուրս գալը միջազգային կոալիցիայից իրենց դեմ առ դեմ է թողել իսլամիստների հետ, որոնց հակազդելու միջոց չունեն:
Կարդացեք նաև
Թալիբների կողմից Աֆղանստանի գրավումը ցնցեց ողջ աշխարհը և դարձավ ԱՄՆ-ի և ՆԱՏՕ-ի քսանամյա առաքելության ձախողման վկայությունը, որը ներառում էր երկրում ժամանակակից պետության կառուցումը։ Այժմ թալիբները Աֆղանստանում վերականգնում են շարիաթի օրենքների պարտադիր կատարումը, որը զգալիորեն սահմանափակում է քաղաքացիական իրավունքները՝ հատկապես կանանց և երեխաների։
ՎՐԱՍՏԱՆ
2008 թվականի օգոստոսին Հարավային Օսիայում պատերազմն ավարտվեց Վրաստանի և Ռուսաստանի միջև դիվանագիտական հարաբերությունների խզմամբ։ Նույն թվականին Ռուսաստանը ճանաչեց Աբխազիայի և Հարավային Օսիայի անկախությունը։ Ներկայում երկրների միջև դեռևս չկա ուղիղ օդային հաղորդակցություն։ Ռուսաստանում Վրաստանի դեսպանատուն չկա, իսկ Վրաստանում չկա Ռուսաստանի դեսպանատուն:
Միաժամանակ Վրաստանը, ինչպես Ուկրաինան, հայտարարեց դեպի Արևմուտք կուրս։ Վրաստանի իշխանությունները նույնպես բազմիցս են հայտնել ՆԱՏՕ-ին անդամակցելու իրենց ցանկությունը։ Նրանք կարծում են, որ միայն դաշինքին անդամակցելը կօգնի վերականգնել երկրի տարածքային ամբողջականությունը։
Սակայն ՆԱՏՕ-ն չի շտապում ընդունել Վրաստանին։ 2022 թվականի փետրվարին ՆԱՏՕ-ի գլխավոր քարտուղար Յենս Սթոլթենբերգը կրկնել է, որ ՆԱՏՕ-ն և Վրաստանը «սերտորեն համագործակցում են», սակայն Թբիլիսիի անդամակցության որևէ ծրագիր դեռ չի տրամադրվել։
ԱՐՑԱԽ
Պատերազմի 44 օրերի ընթացքում հայերը տեսան միայն պատասխաններ՝ Գերմանիայի, ԱՄՆ-ի, շատ այլ պետությունների, ինչպես նաև ԵԱՀԿ-ի, ՆԱՏՕ-ի, Կարմիր Խաչի և այլ միջազգային կազմակերպությունների ղեկավարներ կողմերին հորդորել է հնարավորինս արագ թուլացնել հակամարտությունը։ Ֆրանսիայի նախագահ Մակրոնն իր «ծայրահեղ մտահոգությունն» է հայտնել։
Միաժամանակ Ադրբեջանը բազմիցս օգտագործել է կասետային զինամթերք ԼՂՀ բնակելի տարածքներում, կազմակերպությունը արձանագրել է նման զինամթերքի կիրառման չորս դեպք, որոնցից առաջինը տեղի է ունեցել 2020 թվականի սեպտեմբերի 27-ին Ստեփանակերտի բնակելի թաղամասում։
Պատերազմի ավարտը և ստատուս քվոյի հետագա աջակցությունը պայմանավորված էր ռուս խաղաղապահներով։ Այսօր նրանք են, որ ապահովում են Արցախի բնակիչների անվտանգությունը մնացած տարածքներում։
ՈՒԿՐԱԻՆԱ
Ուկրաինայի քաղաքական ճգնաժամից, ինչպես նաև 2014 թվականին Ղրիմի Ռուսաստանին միանալուց հետո Կիևի և Մոսկվայի հարաբերությունները վատթարացան։ Հետո Ուկրաինան որպես առաջնահերթություն ընտրեց Արևմուտքի հետ մերձեցումը։ 2017 թվականին ուժի մեջ է մտել Եվրամիության հետ Ասոցացման համաձայնագիրը, որը ենթադրում է Ուկրաինայի և ԵՄ-ի տնտեսական և քաղաքական մերձեցում։ Պաշտոնական Կիևը բազմիցս է խոսել ՆԱՏՕ-ին և ԵՄ-ին անդամակցելու ցանկության մասին։
2022 թվականի փետրվարի 24-ին Ուկրաինայում ռազմական հատուկ գործողության մեկնարկից հետո նախագահ Վլադիմիր Զելենսկին մի քանի անգամ խնդրել է արևմտյան երկրներին փակել երկրի երկինքը՝ կանխելու ռուսական զորքերի հրետակոծությունն ու ռմբակոծությունը։ Չնայած այն հանգամանքին, որ Հյուսիսատլանտյան դաշինքի երկրները բազմաթիվ զինատեսակներ են մատակարարել Ուկրաինային, օդային տարածքը երբեք չի փակվել։ Ռուսաստանը դեռ շարունակում է ռմբակոծել ուկրաինական քաղաքները՝ խլելով խաղաղ բնակիչների կյանքեր։
Արման ՀՈՎՀԱՆՆԻՍՅԱՆ
Եթե այս նյութը ռուսական էջերից չի ,,թխած,, ու հեղինակն իսկապես Աննա ԱԼԱՎԵՐԴՅԱՆն է, ապա ի՞նչ գործ ունի այստեղ ,,Ռուսաստանի Դաշնությունում արգելված,, արտահայտությունը։