Երեւանի քաղաքապետարանը հայտնվել է հազար խոշոր հարկատուների ցանկում եւ զբաղեցրել ցանկի 82-րդ տեղը: «Ժողովուրդ» օրաթերթը տեղեկացավ, որ քաղաքապետարանը այս տարվա հունվար-մարտ ամիսներին պետական բյուջե կատարել է 691 մլն 761 հազար դրամ հարկ ու տուրք:
Խոշոր հարկատուների ցանկում հայտնվել է նաեւ Ազգային անվտանգության ծառայությունը՝ վճարած 1 մլրդ 181 մլն 556 հազար դրամ հարկ ու տուրքով: Իսկ, ահա, Արտակարգ իրավիճակների նախարարության վճարած հարկերը կազմել են 786 մլն 482 հազար դրամ, Բարձրագույն դատական խորհուրդինը՝ 736 մլն 403 հազար դրամ:
Ի դեպ, տեղեկացնենք, որ խոշորների ցանկում է նաեւ Հայաստանի ոստիկանությունը՝ վճարած 631 մլն 639 հազար դրամ հարկ ու տուրքով:
Հոդվածն ամբողջությամբ՝ «Ժողովուրդ» օրաթերթի այսօրվա համարում։
