Զոհված զինծառայողների մի խումբ ծնողներ Եռաբլուրից գնացել են Ազատության հրապարակ ու հայտարարել 44-օրյա պատերազմի մասնակից տղաների բողոքի ակցիային միանալու մասին։ «Մենք Եռաբլուրից ենք այստեղ եկել ու լինելու ենք այստեղ, միացել ենք մեր տղաներին, որոնք 44-օրյա պատերազմին մեր տղաների հետ հավասար կռվել են: Հրաշալի է, որ գոնե ողջ տղաներ ունենք, որոնք հիմա կանգնել են:
Ուզում ենք կոչ անել մեր ազգին, հասկացեք, որ ամեն ինչ գնալով կորցնում ենք…Կարելի է ախորժակը կորցնել, ոչ թե հայրենիքը, աշխատանքը կորցնել, ոչ թե հայրենիքը: Պետք է վեր կենալ, այսպես չի լինում»,-ասաց անմահացած տղաներից մեկի ծնողը:
«Նիկոլը, իր կամանդը,իրեն աջակցողները պետք է պատժվեն, թե չէ տեռոր կլինի…Մենք ծնողներս ամեն օր մտածում ենք տեռորի մասին: Քրեական հետապնդումից էլ չենք վախենում, կյանքս են վերցրել, էլ ինչը հետապնդեն, էդ մենք ենք իրենց հետապնդում»,-ասաց նա:
Գոհար ՀԱԿՈԲՅԱՆ
