Freedom House միջազգային իրավապաշտպան կազմակերպությունը հրապարակել է «Ազգերն անցումային շրջանում 2022» զեկույցը: Այս զեկույցում գնահատվում է Կենտրոնական Եվրոպայում և Կենտրոնական Ասիայում ժողովրդավարության մակարդակը: Ըստ զեկույցի՝ Հայաստանը ժողովրդավարության բարելավում է գրանցել՝ երկրի վարկանիշը գնահատվել է 3.04՝ յոթ բալանոց սանդղակով: Նախորդ տարի զեկույցը Հայաստանին գնահատել էր 2.96:
Այսպիսով, ըստ զեկույցի՝ Հայաստանը կիսակոնսոլիդացված ավտորիտար կառավարման ձևից անցում է կատարել հիբրիդայինին:
Զեկույցում մասնավորապես ասվում է․ «Այն երկրները, որոնք ավտորիտար կառավարման համակարգից անցում են կատարել հիբրիդայինին, ներկայացնում են մի փոքր ավելի խոստումնալից պատկեր, թեև նրանք դեռևս չեն համապատասխանում ժողովրդավարական չափանիշներին: Օրինակ՝ Հայաստանում 2018 թվականին քաղաքացիներն օգտագործեցին բողոքի շարժումը և մրցակցային ընտրությունների շարքը, որոնցից վերջինը կայացավ 2021թ.-ին՝ վճռականորեն վերջ դնելու Հանրապետական կուսակցության բազմամյա կառավարմանը։ Գործող առաջնորդները փոխարինվեցին քաղաքական գործիչների նոր սերնդով, որոնք, չնայած նկատելի թերություններին, հիմնարար պարտավորություն ունեն ժողովրդավարության և հանրային շահի հանդեպ»:
Ամբողջական զեկույցին կարող եք ծանոթանալ այս հղմամբ:
