Ապրիլի 19-ին տեղի է ունեցել Խոսքի ազատության պաշտպանության կոմիտեի նախաձեռնած կլոր սեղան-քննարկումը՝ «Մեդիային վերաբերող օրենսդրության բարեփոխումների անհրաժեշտությունը Հայաստանում» թեմայով։
Ներկայացվել են ԶԼՄ-ների գործունեությունը կարգավորող օրենքներում առկա խնդիրներն ու դրանց հաղթահարման հնարավորությունները, ոլորտի զարգացման հայեցակարգի մշակման հեռանկարները, անցկացվել է քննարկում մեդիա փորձագետների, լրագրողների, օրենսդիր և գործադիր իշխանությունների ներկայացուցիչների, իրավապաշտպանների, փաստաբանների մասնակցությամբ։
Միջոցառման ավարտին ստորագրվել է բարեփոխումներ իրականացնելուն ուղղված համագործակցության Հուշագիր՝ Ազգային ժողովի Գիտության, կրթության, մշակույթի, սփյուռքի, երիտասարդության և սպորտի հարցերի մշտական հանձնաժողովի, ՀՀ արդարադատության նախարարության և 11 լրագրողական կազմակերպությունների միջև։
Այս փաստաթղթով նախատեսվող համագործակցության հիմնական նպատակը Հայաստանում մեդիա ոլորտի զարգացման քաղաքականության մշակումն ու իրագործումն է, լրատվամիջոցներին վերաբերող օրենսդրության բարեփոխումն ու արդիականացումը՝ միջազգային լավագույն փորձի և նորմերի կիրառմամբ։
Կարդացեք նաև
Համատեղ ջանքերով իրականացվելիք բարեփոխումները նաև միտված են լինելու երկրում տեղեկատվական դաշտի առողջացմանը, որակյալ լրագրության խրախուսմանը, ապատեղեկատվության, ատելության խոսքի, բռնության քարոզի նվազեցմանը։
Կից ներկայացվում է ստորագրված Հուշագիրը և Խոսքի ազատության պաշտպանության կոմիտեի պատրաստած՝ մեդիա ոլորտի խնդիրներին առնչվող տեսանյութը։ ՀՈՒՇԱԳԻՐ
Խոսքի ազատության պաշտպանության կոմիտե
