Ինչպես հայտնել էինք, 5165 շարժումն այսօր իջեցրեց կուսակցական դրոշն ու Ազատության հրապարակում միացավ Նիկոլ Փաշինյանի հրաժարականի պահանջին եւ Արցախը փրկելու գաղափարի շուրջ համախմբմանը, մյուս կուսակցություններին էլ նույնը կոչ արեց: Շարժման անդամ Մենուա Սողոմոնյանը հայտարարեց՝ որպեսզի տպավորություն չստեղծվի, թե աթոռակռիվ են անում, ներկայացնում են հիմնավորումները, թե ինչու պետք է Նիկոլ Փաշինյանը հեռանա․
-Կարեւորագույն հիմքն այն է, որ չի կատարել նախընտրական խոստումները, այդ թվում՝ անցած տարվա խորհրդարանական ընտրություններին տրված խոստումները։ Նա գրել է, որ ՀՀ-ն երաշխավորելու է Արցախի ժողովրդի ինքնորոշման իրավունքը, մինչդեռ օրեր առաջ ասաց, թե Արցախի կարգավիճակի հարցում ՀՀ-ն պետք է նշաձող իջեցնի։ Նրա մերձավորներն էլ ակնարկեցին, թե Արցախն Ադրբեջանի կազմում ապագա ունի։
-Փաշինյանը դավաճանել է իր իսկ հայտարարած ժողովրդավարության, հեղափոխության, համերաշխության արժեքներին ու սկզբունքներին, որոնց արդյունքում էր նա եկել իշխանության։
-Նա տապալել է պետական կառավարումն արտակարգ դրության եւ ռազմական դրությունների ժամանակ։
Կարդացեք նաև
-Պատերազմում անհաջողության մեղքը նա բարդեց ԳՇ-ի, հրամանատարների, զորքի վրա։
-Արցախյան խնդրում դիվանագիտական անհաջողությունները եւ դիտավորյալ ձախողումները հիմա փորձում է արդարացնել միջազգային հանրության իբր ճնշումներով։
Հիմնավորումները մանրամասն՝ տեսանյութերում։
Լուիզա ՍՈՒՔԻԱՍՅԱՆ
