Կառավարությունը ՀՀ հանրային ծառայությունները կարգավորող հանձնաժողովի անդամի թափուր պաշտոնում առաջադրել է Սեդա Շահինյանի թեկնածությունը:
Ապրիլի 14-ին Ազգային ժողովը քննարկել է Հայաստանի Հանրապետության հանրային ծառայությունները կարգավորող հանձնաժողովի անդամի ընտրության հարցը:
Թեկնածուն ներկայացրել է հանրային ծառայությունների ոլորտի առաջնահերթ լուծում պահանջող խնդիրները, անդրադարձել հետագա անելիքներին ու մոտեցումներին: Նա նշել է, որ բնագավառը տնտեսական, քաղաքական նշանակություն եւ հնչեղություն ունի: Ըստ նրա՝ այստեղ խաչվում են քաղաքացու, տնտեսվարողի եւ պետության շահերը: Այդ պատճառով Հանրային ծառայությունները կարգավորող հանձնաժողովը պետք է լավագույնս հավասարակշռի այդ շահերը եւ լուծի ծագող խնդիրները:
Սեդա Շահինյանի հավաստմամբ՝ միայն անկախ կարգավորման ինստիտուտի կայացմամբ է հնարավոր շահերի իրական հավասարակշռումը, որը մի կողմից պետք է լինի մասնագիտացված, մյուս կողմից պետք է օժտված լինի արբիտրի համար անհրաժեշտ համարժեք գործիքակազմով:
Կարդացեք նաև
Բանախոսը պատասխանել է նաեւ պատգամավորների հարցերին, որոնք առնչվել են էներգետիկայի ոլորտին:
Թեկնածուի կենսագրական տվյալները ներկայացրել է ՀՀ արդարադատության նախարար Կարեն Անդրեասյանը: Սեդա Շահինյանը մասնագիտությամբ իրավաբան է: 2004թ. աշխատել է Հանրային ծառայությունները կարգավորող հանձնաժողովում՝ առաջատար մասնագետից մինչեւ իրավաբանական եւ լիցենզավորման վարչության պետ:
2019թ. Ազգային ժողովի որոշմամբ նշանակվել է Հայաստանի Հանրապետության հանրային ծառայությունները կարգավորող հանձնաժողովի անդամ՝ երեք տարի ժամկետով:
Ազգային ժողով
