«Զրույցը տեղի է ունեցել ադրբեջանական կողմի նախաձեռնությամբ։ Քննարկել ենք այն, ինչը քննարկվել է վերջին մեկ տարում եւ վերջերս Բրյուսելում՝ սահմանազատման եւ սահմանային անվտանգության հարցերով հանձնաժողովի ստեղծման մեխանիզմներ եւ ՀՀ-Ադրբեջան կնքվելիք կարգավորման պայմանագրին ուղղված բանակցությունների մեկնարկի պատկերացումներ»,-կառավարություն-ԱԺ հարցուպատասխանի ժամանակ այսօր անդրադառնալով իր եւ Ադրբեջանի ԱԳ նախարարի հետ հեռախոսազրույցի մանրամասների վերաբերյալ ՔՊ խմբակցության պատգամավոր Սոնա Ղազարյանի հարցին՝ ասաց ՀՀ ԱԳ նախարար Արարատ Միրզոյանը։
Պատգամավորը հետաքրքրվեց՝ սա նշանակո՞ւմ է, որ Արցախի հակամարտության կարգավորման ԵԱՀԿ ՄԽ ձեւաչափը տեղափոխվում է երկկողմ ձեւաչափի հարթություն։
«Մեր պատկերացումները ԵԱՀԿ ՄԽ համանախագահության վերաբերյալ մնում են ուժի մեջ, մենք կարգավորումը տեսնում ենք այդ ձեւաչափում։ Ցավոք, գիտեք, որ համանախագահող երկրների միջեւ հայտնի պատճառներով հակասություններ կան, եւ մենք չենք կարող թույլ տալ, որ այդ առումով վակուում առաջանա։ Ձեռնպահ կմնայի ձեւակերպում տալ, թե երկկողմ է ձեւաչափը։ Երկկողմ բանակցություններ չեն եղել, այլ խոսակցություն է եղել բանակցությունների մեկնարկի մասին»,-պատասխանեց Արարատ Միրզոյանը։
Կարդացեք նաև
Լուիզա ՍՈՒՔԻԱՍՅԱՆ
