ԱԺ լիագումար նիստում այսօր կառավարության ծրագրի կատարման 2021թ․-ի արդյունքների մասին զեկույցի ներկայացման ժամանակ «Քաղաքացիական պայմանագիր» խմբակցության պատգամավոր Արփի Դավոյանը վարչապետ Նիկոլ Փաշինյանին ասաց՝ բնակիչների հետ հաճախ են հանդիպում եւ հիմնական հարցը, որը նրանք բարձրաձայնում են, պետությունից թալանվածը հետ բերելն է․ «Քաղաքացիներն անընդհատ ասում են, որ դժգոհ են թալանի վերադարձի տեմպերից։ Ձեր կարծիքն ապօրինի գույքի բռնագանձման մասին օրենքի կիրառման տեմպերից»։
Նիկոլ Փաշինյանն ի պատասխան փաստեց, որ հայցերն արդեն դատարաններ են մտնում․ «Իհարկե, ընդդիմությունը, որն այդ թեմայի հիմնական շահառուն է, փորձում է ընթացակարգերը վիճարկել ՍԴ-ում, բայց մենք պետք է ինստիտուցիոնալ նայենք։ Մեր համար կարեւոր է մեխանիզմներ ստեղծել, որ այսօրվա իշխանությունը չթալանի։ Նախ` սա է կարեւոր, նրանք մեկ է՝ ոչ մի տեղ չեն փախնի»։
Ըստ Փաշինյանի՝ թալանի վերադարձ է, օրինակ, այն փաստը, որ Զանգեզուրի պղնձամոլիբդենային կոմբինատի գործով պետբյուջե է վճարվել 15 մլրդ դրամ։
«Այո, ես էլ գոհ չեմ ու քանիցս ասել եմ։ Ինստիտուտ պետք է լինի, որ աշխատի։ Վարչապետի կամքով չի։ Պողպատե մանդատ, մուրճ․․․մենք այդ ամենը գործնականում ցույց ենք տվել»,-հավելեց Նիկոլ Փաշինյանը։
Կարդացեք նաև
Լուիզա ՍՈՒՔԻԱՍՅԱՆ
