ՀՀ քննչական կոմիտեի Շիրակի մարզային քննչական վարչությունում ՀՀ քրեական օրենսգրքի 34-104-րդ հոդվածի 1-ին մասով հարուցված քրեական գործով քննություն է տարվում՝ Արթիկ քաղաքի 25-ամյա բնակչի նկատմամբ սպանության փորձ կատարելու դեպքի հանգամանքները պարզելու ուղղությամբ:
«Արթիկ» բժշկական կենտրոնից 2022թ. ապրիլի 13-ին՝ ժամը 00:05-ին, ահազանգ է ստացվել այն մասին, որ «Կրծքավանդակի բազմաթիվ ծակած-կտրած վերքեր» ախտորոշմամբ իրենց մոտ բուժօգնության է դիմել 25-ամյա երիտասարդ:
Ձեռնարկված միջոցառումների արդյունքում պարզվել է, որ 2022թ. ապրիլի 12-ին՝ ժամը 23:30-ի սահմաններում, Արթիկ քաղաքի Կասյան փողոցում, նույն քաղաքի 45-ամյա բնակիչն անձնական հարցերի շուրջ ծագած վիճաբանության ժամանակ դանակով հարվածել և մարմնական վնասվածքներ է պատճառել հիշյալ 25-ամյա երիտասարդին:
Սպանության փորձ կատարելու կասկածանքով ձերբակալվել է 45-ամյա տղամարդը և տվել խոստովանական ցուցմունք:
Կարդացեք նաև
Նախաքննության ընթացքում կատարված դեպքի վայրի զննությամբ, հիշյալ 45-ամյա տղամարդը մատնացույց է արել վիճաբանության և հանցագործության գործիք հանդիսացող դանակի գտնվելու վայրը, որը հայտնաբերվել և վերցվել է, առգրավվել են հագուստներ:
Հարցաքննվել են մի շարք անձինք: Նշանակվել են դատաբժշկական փորձաքննություններ։
Դեպքի հանգամանքները պարզելու նպատակով հանձնարարություն է տրվել հետաքննության մարմնին:
Կատարվում է նախաքննություն:
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:
ՀՀ քննչական կոմիտե
