Ադրբեջանի նախագահ Իլհամ Ալիևը տարվա առաջին եռամսյակի ամփոփիչ խորհրդակցությանը հայտարարել է, որ Բրյուսելի ամփոփիչ հայտարարությունում չի եղել «Լեռնային Ղարաբաղ» և «հակամարտություն» բառերը, քանի որ ինքը դեմ է հանդես եկել դրան:
«ԵՄ խորհրդի նախագահ Շարլ Միշելի նախաձեռնությամբ դեկտեմբերին և ապրիլին տեղի ունեցան եռակողմ հանդիպումներ: Այդ հանդիպումների մասին տեղեկություն տրվել է: Իհարկե, և՛ փորձագետները, և՛ ադրբեջանական հանրությունը տեսան, որ ամփոփիչ հայտարարությունում չկար «Լեռնային Ղարաբաղ» անվանումը, ինչը բնական է, քանի որ Ադրբեջանը դեմ է հանդես եկել դրան, ինչպես նաև «հակամարտություն» բառին: Դա բնական է, քանի որ հակամարտություն չկա: Հակամարտությունը կարգավորված է»,- ասել է Ալիևը:
Նա նաև նշել է, որ Եվրամիությունն ընդունել է հետպատերազմական նոր իրողությունները տարածաշրջանում և ակտիվացրել կապերն Ադրբեջանի հետ:
«Պատերազմից հետո մեր կապերը Եվրամիության հետ դարձել են ավելի ինտենսիվ: ԵՄ-ն ընդունել է հետպատերազմական շրջանի իրողությունները»,- ասել է Ալիևը:
Կարդացեք նաև
Պատրաստեց Վիկտորյա ԱՆԴՐԵԱՍՅԱՆԸ
