Երևանը պետք է հասկանա, որ չի կարող խանգարել Բաքվի ծրագրերին՝ կապված «Զանգեզուրի տրանսպորտային միջանցքի» շինարարության հարցում: Այս մասին հայտարարել է Ադրբեջանի նախագահ Իլհամ Ալիևը տարվա առաջին եռամսյակի ամփոփիչ խորհրդակցությանը:
«Հայաստանը պետք է տեսնի, որ հնարավոր չէ խանգարել մեր ծրագրերին: Եթե նրանք մեզ ճանապարհ չտան Զանգեզուրով, ապա իրենք կհայտնվեն պարտվողի կարգավիճակում: Առաջին հերթին, նրանք կխախտեն նոյեմբերի 10-ի հայտարարությունը: Այդ հայտարարության մեջ հստակ նշված է, որ Ադրբեջանի արևմտյան շրջանների և Նախիջևանի ԻՀ միջև պետք է լինի կապ: Դա պարտադիր է»,- ասել է Ալիևը:
Նրա խոսքով, միևնույն է, Ադրբեջանը «վաղ թե ուշ կհասնի իր ուզածին»: «Եթե Հայաստանը չի ցանկանում կատարել ստանձնած պարտավորությունները, ապա մենք էլ պատասխանատվություն չենք կրի մեր ստանձնած պարտավորությունների մասով: Նրանք պետք է դա իմանան և ժամանակ չձգեն: Միևնույն է, վաղ թե ուշ մենք մեր ուզածին հասնելու ենք: Լավ կլինի, որ նրանք մի փոքր շտապեն»,- ասել է Ալիևը:
Կարդացեք նաև
Պատրաստեց Վիկտորյա ԱՆԴՐԵԱՍՅԱՆԸ
