«Տարակուսանքի տեղիք է տալիս նաեւ այն փաստը, որ երեկ ՌԴ խաղաղապահ զորախումբը ՀՀ ԱԺ մի խումբ պատգամավորների չի թույլատրել մուտքն Արցախ։ Տարակուսելի է, որովհետեւ այդ գործելակերպը հակասում է նոյեմբերի իննի եռակողմ հայտարարության այն դրույթին, որ Բերձորի միջանցքը հենց դրա համար է նախատեսված՝ ապահովելու ԼՂ-ի եւ ՀՀ-ի կապը»,-ԱԺ լիագումար նիստում այսօր կառավարության ծրագրի կատարման 2021թ․-ի արդյունքների մասին զեկույցի ներկայացման ժամանակ հայտարարեց վարչապետ Նիկոլ Փաշինյանը։
«Ի դեպ, միջանցքում որեւէ կարգի ստուգման գործառույթ նախատեսված չէ, առավել եւս՝ ԱԺ պատգամավորների շարժն արգելելու։ Այն հենց նրա համար է, որ կապն ապահովվի»,-հավելեց նա։
Լուիզա ՍՈՒՔԻԱՍՅԱՆ
