Կառավարության սուբվենցիոն ծրագրով, Բերդի համայնքապետարանի համաֆինանսավորմամբ՝ իրականացվում են Բերդ և Արծվաբերդ բնակավայրերի ներհամայնքային ճանապարհների հիմնովին վերանորոգման և սալիկապատման աշխատանքներ: Այդ մասին Aravot.am-ին հայտնեցին Բերդի համայնքապետարանից։ Այս պահին ընթացքի մեջ են Բերդ քաղաքի Գարեգին Նժդեհ, Հ. Ադամյան և Ն. Ստեփանյան փողոցների վերանորոգման աշխատանքները: Ծրագրի արժեքը 394. 357. 862 ՀՀ դրամ է, որից կառավարության ներդրումը կազմում է 276, 050, 503 ՀՀ դրամ (70%), Բերդի համայնքապետարանի ներդրումը՝ 118. 307. 359 ՀՀ դրամ (30%):
Ծրագրի շրջանակում հիմնովին կվերանորոգվի և կսալիկապատվի նաև Արծվաբերդ բնակավայրի 13 փ-ի 200մ երկարությամբ և 6 մ լայնությամբ ճանապարհահատված, որը հարում է անմիջապես դպրոցին: Բերդի համայնքապետարանի ներկայացուցիչ Մհեր Պապյանը Aravot.am-ին տեղեկացրեց նաև, որ համայնքում զուգահեռ իրականացվում են նաև ջրահեռացման համակարգի հիմնովին վերանորոգման աշխատանքներ:
Սուբվենցիոն ծրագրերով իրականացվող բոլոր աշխատանքները նախատեսվում է ավարտել սեպտեմբեր ամսին։ Համայնքը 2022թ-ին իրականցվող սուբվեն 6 ծրագիր ունի, որոնց ընդհանուր արժեքը կազմում է մոտ 800 մլն․ դրամ։ Համայնքում լուծում կստանան ջրամատակարման, ջրահեռացման և ճանապարհների նորոգման խնդիրները։
Կարդացեք նաև
Լիա Ճաղարյան
Լուսանկարները՝ Բերդի համայնքապետարանի
