Ֆեդերացիայի անդամները նամակ են գրել կազմակերպության ղեկավար Վիկտոր Կապուստինին, որպեսզի նա ՖԻԴԵ-ից պահանջի հեռացնել ռուս եւ բելառուս շախմատիստներին եւ պաշտոնական անձանց եւ արգելել նրանց մասնակցել միջազգային մրցումների: Նրանք պահանջում են նաեւ ՖԻԴԵ-ի նախագահի պաշտոնից հեռացնել Արկադի Դվորկովիչին:
Եվ քանի որ Մուզիչուկ քույրերը հրաժարվել են իրենց ստորագրությունը դնել այդ նամակի տակ, որոշվել է նրանց հեռացնել Լվովի մարզի ֆեդերացիայի կազմից:
Մարիա Մուզիչուկը դասական շախմատի աշխարհի 15-րդ չեմպիոնն է. Աննա Մուզիչուկը՝ կայծակնային շախմատի աշխարհի կրկնակի, արագ շախմատի աշխարհի չեմպիոն է, կանանց Եվրոպայի եռակի չեմպիոն, ինչպես նաեւ դասական շախմատի 2017 թվականի աշխարհի փոխչեմպիոն:
Աշոտ ՀԱԿՈԲՅԱՆ
Really? 15-time world champion? At age 29? Maybe she became the world champion in 2015? Please correct
շնորհակալություն, ուղղեցինք վրիպակը: