«Ամերիկայի ձայն». ԱՄՆ-ն ակտիվորեն աշխատում է եվրոպական դաշնակիցների հետ պատժամիջոցների ընդլայնման ուղղությամբ
Պատժամիջոցների սահմանման քաղաքականության միջոցով Միացյալ Նահանգները փորձում է հասնել մի իրավիճակի, երբ Ռուսաստանը պետք է ընտրություն կատարի դեֆոլտի և իր մնացած արժութային պահուստների օգտագործման միջև, ասել է Սպիտակ տան մամլո քարտուղար Ջեն Փսակին։
«Նպատակն է ստիպել նրանց ընտրություն կատարել», – ասել է նա՝ պատասխանելով այն հարցին, թե արդյոք ԱՄՆ-ի նպատակն է այս փուլում Ռուսաստանին դեֆոլտի հասցնելը:
Ռուսաստանը ստիպված կլինի ընտրություն կատարել դեֆոլտ հայտարարելու կամ դոլարի մնացած պահուստները սպառելու միջև, ասել է մամլո խոսնակը։
Կարդացեք նաև
Ավելի վաղ Սպիտակ տունը հայտնել է, որ ԱՄՆ-ն ակտիվորեն աշխատում է եվրոպացի դաշնակիցների հետ՝ ընդլայնելու Ռուսաստանի դեմ պատժամիջոցները։
