Հայաստանի ազգային ագրարային համալսարանի ագրոբիզնեսի եւ տնտեսագիտության ֆակուլտետի դեկան, Եվրասիական փորձագիտական ակումբի անդամ Էդուարդ Ղազարյանը վստահ է, որ պետք է արմատապես փոխել գյուղատնտեսության ոլորտում Հայաստանի պետական քաղաքականությունը: Այս մասին փորձագետը հայտարարեց Եվրասիական փորձագիտական ակումբի կազմակերպած՝ «ԵԱՏՄ-ի զարգացման հնարավորություններն ու հեռանկարները՝ ՌԴ դեմ հավաքական Արևմուտքի կողմից տնտեսական պատժամիջոցների համատեքստում», թեմայով քննարկման ժամանակ:
Ըստ նրա, եվրասիական միասնական շուկայում ինտեգրացիոն գործընթացները պարենի արտահանման լավագույն նախադրյալներ են ստեղծում, սակայն Հայաստանում գյուղատնտեսության ոլորտում նվազում են մշակվող տարածքները:
Էդուարդ Ղազարյանը վստահ է, որ ԵԱՏՄ տարածքում ապրանքաշրջանառության պաշտոնական տվյալները ապացուցում են եվրասիական շուկայի գրավչությունն ու կենսական անհրաժեշտությունը՝ ԵԱՏՄ երկրներ արտահանումն աճում է արագացած տեմպերով: Ուստի անհրաժեշտ է մեծացնել հայկական արտադրության պարենի արտահանումը ԵԱՏՄ երկրներ, ապահովել արտահանումների կայունություն: Հենց սրա համար է կարեւոր արմատապես փոխել գյուղատնտեսության ոլորտում Հայաստանի պետական քաղաքականությունը եւ մշակել ոլորտի ռազմավարական զարգացման մեխանիզմներ:
Այսօր Հայաստանը ԵԱՏՄ շուկա է արտահանում թարմ միրգ, բանջարեղեն, սերմեր, անասնակեր, տեխնոլոգիական սարքավորումներ:
Կարդացեք նաև
Նելլի ԳՐԻԳՈՐՅԱՆ
