Սլովենիայի Բրեժից քաղաքում այսօր ավարտվում է շախմատի Եվրոպայի տղամարդկանց անհատական առաջնությունը: 10-րդ տուրում Հայաստանի ազգային հավաքականի ներկայիս առաջատար գրոսմայստեր Գաբրիել Սարգսյանը ստիպեց անձնատուր լինել Ադրբեջանը ներկայացնող Աբդուլլա Գադիմբայլիին եւ 8,0 միավորով գերմանացի Մաթիաս Բլյուբաումի հետ միասին գլխավորում է մրցաշարային աղյուսակը:
Այսօր չեմպիոնական տիտղոսի համար Գաբրիել Սարգսյանը սպիտակներով խաղում է իսպանացի գրոսմայստեր Ջեյմ Լատասա Սանտոսի, իսկ Բլյուբաումը՝ խորվաթ Իվան Սարիչի հետ:
Աշոտ ՀԱԿՈԲՅԱՆ
