Բռնցքամարտի Հայաստանի ազգային հավաքականը հինգ մեդալ՝ 2 ոսկե, 2 արծաթե եւ 1 բրոնզե մեդալ է նվաճել Սերբիայում 21 երկրների մասնակցությամբ անցկացված միջազգային մրցաշարում:
60 կգ քաշային կարգում հաղթողի կոչումը նվաճել է Կարեն Տոնականյանը, որը ոչ միայն ձեռքի կոտրվածքից հետո առաջին անգամ է մտել միջազգային ռինգ, այլեւ վճռորոշ մենամարտում հաղթել է նոկաուտով:
Աշխարհի առաջնության արծաթե մեդալակիր Դավիթ Չալյանը, որը նույնպես չի ունեցել հավասարը, միեւնույն ժամանակ ճանաչվել է մրցաշարի լավագույն բռնցքամարտիկ:
Կարդացեք նաև
Արծաթե մեդալի արժանացել են 57 կգ քաշային Արթուր Բազեյանը եւ 92 կգ քաշային Նարեկ Մանասյանը, իսկ Համբարձում Հակոբյանը բավարարվել է բրոնզե մեդալով` 80 կգ քաշային կարգում:
Աշոտ ՀԱԿՈԲՅԱՆ
