Aravot.am-ը ԿԳՄՍ նախարարի տեղակալ Կարեն Գիլոյանից հետաքրքրվեց, թե հայտնի իրադարձությունների պատճառով Ռուսաստանի նկատմամբ կիրառվող համատարած, այդ թվում՝ նաեւ մարզական ոլորտում, պատժամիջոցների հետեւանքով այդ երկրի ուժեղագույն բռնցքամարտիկները մասնակցելո՞ւ են երեւանյան Եվրոպայի առաջնությանը:
«Մենք պատրաստ ենք եւ պարտավոր ենք ընդունել բոլորին: Դեռ բավական ժամանակ կա: Հայտերի ընդունումը շարունակվելու է մինչեւ ապրիլի վերջ: Միայն դրա ավարտից հետո հնարավոր կլինի ձեր հարցին հստակ պատասխան տալ»,-պատասխանեց Կարեն Գիլոյանը:
Աշոտ ՀԱԿՈԲՅԱՆ
