ԵԱՀԿ գործող նախագահ, Լեհաստանի արտգործնախարար Զբիգնև Ռաուն հայտարարել է, որ կազմակերպությունը պատրաստ է օգնություն ցուցաբերել Հայաստանի և Ադրբեջանի միջև պայմանագրի ստորագրման հարցում:
«ԵԱՀԿ-ն պատրաստ է օգնություն ցուցաբերել Հայաստանի և Ադրբեջանի միջև խաղաղության պայմանագրի ստորագրման հարցում, ինչպես նաև գործադրել բոլոր ջանքերը՝ Հարավային Կովկասում խաղաղություն պահպանելու համար»,- ասել է Ռաուն Բաքվում Ադրբեջանի արտգործնախարար Ջեյհուն Բայրամովի հետ հանդիպումից հետո տեղի ունեցած ճեպազրույցում:
Նա նաև նշել է, որ համատեղ ջանքերով հնարավոր է հասնել մարդասիրական հարցերի լուծմանը, այդ թվում` անհետ կորածներ, պատմական և մշակութային ժառանգության պահպանություն:
«ԵԱՀԿ-ն նաև պատրաստ է իր ներդրումն ունենալ հայ-ադրբեջանական սահմանի սահմանազատման և սահմանագծման գործում, քանի որ կազմակերպությունը մեծ փորձ ունի այդ ոլորտում»,- ասել է Ռաուն:
Կարդացեք նաև
Պատրաստեց Վիկտորյա ԱՆԴՐԵԱՍՅԱՆԸ
