Այսօր Aravot.am-ը ՀՀ մարդու իրավունքների պաշտպան Քրիստինե Գրիգորյանից հետաքրքրվեց՝ ՀՀ Քրեական օրենսգրքում ներառված «Ծանր վիրավորանք» հոդվածը մի՞թե կարծիքի արտահայտումը սահմանափակելու միջոց չէ, երբ շատ դեպքերում ականատես ենք լինում՝ չկան վիրավորվող անձինք, սակայն կան քրեական գործեր ու մեղադրյալներ։
Մարդու իրավունքների պաշտպանն ասաց․ «Այս հարցի հետ կապված բազում առիթներ ունեցել եմ խոսելու և հիմա էլ առիթը կօգտագործեմ ասելու համար, որ նշված հոդվածի կիրառության հետ կապված մենք տեսնում ենք, որ գործնականում ունենք խնդիրներ և իրավակիրառ պրակտիկայի խնդիրներ ունենք։
Նաև տեղեկացնեմ, որ առաջիկայում կունենաք Սահմանադրական դատարանի որոշում այս առումով, որը համապարփակ առումով կանդրադառնա ու գնահատական կտա։
Հույս ունեմ, որ այդ որոշումն առիթ կհանդիսանա որոշակիորեն քաղաքականության վերանայումների համար, հատկապես հասցեագրելու այն գործնական խնդիրները, որ հոդվածի կիրառությունը բերել է ՝ ի թիվս նաև ձեր կողմից նշվածի»։
Կարդացեք նաև
Նունե ԱՐԵՎՇԱՏՅԱՆ
