Այս պահին դրությունը սահմանում հարաբերական հանգիստ է եւ մենք կարող ենք հանգիստ պայմաններում, անկաշկանդ, կյանքի կոչել այն օրենքի նախագծերը, որոնք նիստի օրակարգում են. Արցախի հանրապետության խորհրդարանի նիստում այսօր այս մասին ասաց ԱՀ ԱԺ նախագահ Արթուր Թովմասյանը:
Իսկ ԱՀ նիստի օրակարգում էր նաեւ ԱՀ Սահմանադրության փոփոխության հարցը, որը ԱՀ Գերագույն դատարանը հարցը սահմանադրական է ճանաչել: Հարցը երկրորդ ընթերցում էր անցնում, հարցեր չեղան: Նախագիծն ընդունվեց 31 կողմ ձայնով:
«Պետական կենսաթոշակների մասին» ու «Զինվորական ծառայության և զինծառայողի կարգավիճակի մասին» օրենքներում ևս փոփոխություն կատարվեց: Օրենքների նախագծերի փաթեթի ընդունման դեպքում առկա (ցերեկային) ուսուցմամբ սովորող անձի կերակրողին կորցնելու դեպքում կենսաթոշակ և պարգևավճար ստանալու իրավունքը կպահպանվի մինչև նրա 26 տարեկանը լրանալը: Դա պայմանավորված է ԱՀ-ում 12-ամյա եւ բարձրագույն կրթության երկաստիճան համակարգի ներդրմամբ, ինչպես նաեւ, արական սեռի անձանց համար պարտադիր զինվորական ծառայության ժամկետով: Ժամկետի երկարացումը կտարածվի նաեւ զոհված զինծառայողների ուսանող զավակներին տրվող ամենամսյա պարգեւավճարների վրա:
Հաջորդ փոփոխությունը վերաբերում է զինվորական կենսաթոշակառու հաշմանդամներին. գործող օրենքով սահմանվում է, որ ծառայության կամ սահմանված կարգով զինծառայությունից հինգ տարիների ընթացքում զինհաշմանդամ ճանաչված անձը կենսաթոշակ է ստանում: Առաջարկվում է հինգտարյա սահմանափակումը վերացնել: Զինհաշմանդամության կենսաթոշակներ, ըստ այդմ, կնշանակվեն, անկախ հաշմանդամության ժամկետից:
Կարդացեք նաև
Կորոնավիրուսի եւ պատերազմի պատճառով կենսաթոշակների դադարեցված վճարումները նույնպես կվերականգնվեն եւ կվճարվեն ամբողջությամբ, եթե մինչեւ 2022 թվականի հոկտեմբերի 1-ը համապատասխան դիմում ներկայացվի:
Նախագիծն ընդունվեց 32 կողմ ձայնով:
Մանրամասները՝ տեսանյութում
Նելլի ԳՐԻԳՈՐՅԱՆ
