Այլ երկրների տարածքում ռուսական շահերի գոտում, այդ թվում Լեռնային Ղարաբաղում, նոր ճակատների բացումը շատ կօգներ Ուկրաինային պայքարել Ռուսաստանի լայնածավալ ներխուժման դեմ: Այդ մասին հայտարարել է Ուկրաինայի Անվտանգության և պաշտպանության խորհրդի քարտուղար Ալեքսեյ Դանիլովը:
«Այն բանից հետո, երբ Լեռնային Ղարաբաղն իր տարածքում արտակարգ դրություն սահմանեց, ես կարող եմ ասել՝ այնտեղ իսկապես իրադարձություններ են տեղի ունենում: Բայրաքթարները ոչ միայն մեր տարածքում են արդուկում օրկերին, այլև աշխատել են Լեռնային Ղարաբաղում»,- ասել է նա:
Դանիլովը հայտարարել է, որ չնայած հայերը դիմել են Մոսկվային, բայց վերջինս Լեռնային Ղարաբաղից հանել է զորքերը և ուղարկել ուկրաինական ճակատ: «Մենք հետևել ենք այդ շարասյուններին: Եվ մենք հասկանում ենք, որ օգնությունը, որ Ռուսաստանը խոստացել է Լեռնային Ղարաբաղին և Հայաստանին, թերևս հազիվ թե լինի»,- ասել է նա:
Դանիելովը նաև նշել է, որ «Վրաստանը, մեղմ ասած, իրեն այնքան էլ ճիշտ չի պահում»: «Բայց եթե և՛ Մերձդնեստրը, և՛ Վրաստանը, և՛ բոլորն այսօր զբավեին իրենց տարածքների վերադարձով… Ավելին, Լեհաստանը, առայժմ ոչ պաշտոնական մակարդակով, արդեն հավակնություններ է ներկայացրել Կալինինգրադի մարզի նկատմամբ»,- ասել է նա:
Կարդացեք նաև
Պատրաստեց Վիկտորյա ԱՆԴՐԵԱՍՅԱՆԸ
