Ռուսաստանի ԱԳՆ-ն մտահոգություն է հայտնել 2020թ. նոյեմբերի 9-ի եռակողմ հայտարարության դրույթների խախտման կապակցությամբ:
«Ծայրահեղ մտահոգություն ենք հայտնում Լեռնային Ղարաբաղում լարվածության կապակցությամբ: ՌԴ ՊՆ 26.03.2022 տեղեկանքում զետեղված փաստերը ռուսական խաղաղապահ զորամիավորման պատասխանատվության գոտի զինված ներթափանցման վերաբերյալ և հրադադարի ռեժիմի խախտումը հակասում են 2020թ. նոյեմբերի 9-ի՝ Ռուսաստանի, Ադրբեջանի և Հայաստանի առաջնորդների հայտարարության դրույթներին:
Կողմերին թախանձագին խնդրում ենք զսպվածություն ցուցաբերել և ապահովել առկա եռակողմ պայմանավորվածությունների՝ բարձր մակարդակով խստորեն պահպանումը»,- ասվում է Ռուսաստանի ԱԳՆ հայտարարության մեջ:
Դրանում նաև նշվում է, որ խաղաղապահ զորամիավորումը կողմերի հետ աշխատանքներ է տանում տարածաշրջանում իրավիճակի ապաէսկալացման ուղղությամբ:
Կարդացեք նաև
Պատրաստեց Վիկտորյա ԱՆԴՐԵԱՍՅԱՆԸ
