Ֆրանսիան մտահոգություն է հայտնել Լեռնային Ղարաբաղում գազամատակարարման հետ կապված խնդիրների, ինչպես նաև Փառուխ և Խրամորթ գյուղերում տեղի ունեցած զինված միջադեպերի կապակցությամբ:
«Ֆրանսիան ափսոսանք է հայտնում Լեռնային Ղարաբաղում տեղի ունեցած միջադեպերի, այդ թվում զինված միջադեպերի, և Փառուխի և Խրամորթի շրջաններում զորքերի տեղաշարժի կապակցությամբ: Այն կոչ է անում առաջ շարժվող ուժերին հետ քաշվել իրենց նախկին դիրքեր՝ համաձայն 2020թ. նոյեմբերի 9-ի կրակի դադարեցման հռչակագրի»,- ասվում է հայտարարության մեջ:
Ֆրանսիան նաև մտահոգություն է հայտնել Լեռնային Ղարաբաղում բնակչության գազամատակարարման հետ կապված խնդիրների առնչությամբ և կոչ է արել վերականգնել մատակարարումն ապահովող հաղորդակցությունները:
«Եվրոպայի և արտաքին գործերի նախարարն այդ հարցը բարձրացրել է հայ և ադրբեջանցի գործընկերների հետ իր վերջին զրույցներում և կոչ է արել շուտափույթ վերականգնել մատակարարումները, քանի որ եղանակային պայմանները շարունակում են մնալ վատ տեղում ապրող բնակչության համար»,- ասվում է հայտարարության մեջ:
Կարդացեք նաև
Նշվում է, որ Ֆրանսիան շարունակում է մշտական կապը Հայաստանի և Ադրբեջանի հետ՝ նպատակ ունենալով առաջընթաց գրանցել քննարկվող թեմաներով:
Պատրաստեց Վիկտորյա ԱՆԴՐԵԱՍՅԱՆԸ
