44 օրյա պատերազմից հետո շատ հարցեր առաջացան, այդ թվում, թե ինչու ռազմավարական նշանակության շատ օբյեկտներ, որոնք անցան թշնամու վերահսկողության ներքո, հայկական կողմը գոնե չպայթեցրեց, երբ արդեն պարզ էր, որ դրանք մեզ չէին մնալու:
Օրինակ՝ Մատաղիսի ռազմավարական նշանակության ջրամբարը, 3-րդ պաշտպանական շրջանի հրամանատարական կետը, 30-ականներին կառուցված հայտնի բունկերը:
ՀՀ ԶՈՒ գլխավոր շտաբի նախկին պետ Մովսես Հակոբյանի դիտարկմամբ, նման հարցեր բարձրացնողները ռազմական գործից հեռու մարդիկ են. «Չեն մտածում՝ Մատաղիսի ջրամբարը պայթեցնելու համար ինչքան օր ու ժամանակ եւ ինչ է պետք, շատ բարդ գործ է: Մատաղիսի հանձնումը տեւել է մի քանի ժամ, իսկ ջրամբարը պայթեցնելու համար պետք էր մոտ քսան օր ժամանակ, որ նախապատրաստվեին դրան: Ինչ վերաբերում է բունկերին, այն իր նշանակությամբ չարժեր մի որեւէ մեկին, որ թողել ենք հակառակորդին»:
Արփինե ՍԻՄՈՆՅԱՆ
