Լրագրող Հակոբ Կարապետյանի ֆեյսբուքյան գրառումը
Ուկրաինական պատերազմում Հայաստանը ակնհայտ չեզոք դիրքորոշում է որդեգրել՝ չնայած մեր արտաքին քաղաքական անմխիթար դիրքի ու ռազմավարական դաշնակցի հանդեպ ունեցած ֆորմալ ու ոչ ֆորմալ պարտավորությունների։
Մեր պաշտոնյաները պատերազմի սկզբից ի վեր որեւէ կողմին պաշտպանող հայտարարություն չեն արել, մեր դիվանագետները միջազգային կազմակերպություններում որեւէ կողմի տեսակետը պաշտպանող քվեարկություն չեն արել, մեր հանրությունն էլ, մեծ հաշվով, չեզոք է։
Ու էդ պարագայում Ուկրաինայի պետական գերատեսչությունից ստանում ենք նման այլանդակ թվիթ, որը ոչ միայն ողջունում է դիկտատոր Ալիեւի ցեղասպան գործողությունները, այլեւ ապատեղեկատվություն է տարածում, իբր ՌԴ խաղաղապահները Արցախից (մասամբ) դուրս են եկել։
Կարդացեք նաև
Կարեւոր է շեշտել, որ սա միջին վիճակագրական ուկրաինացու ընկալումները չեն, սա Վեռկա Սերդյուչկան չի գրել, ոչ էլ անգամ Արեստովիչը, սա ժողովրդավար Ուկրաինայի խորհրդարանի պաշտոնական էջն է, ու սա պետք է պետական մակարդակով արձագանք ստանա։
Ակնկալում եմ, որ Հայաստանի դիվանագիտության ջանքերով էս նողկալի գրառումը կհեռացվի, իսկ հեղինակները ներողություն կխնդրեն։
Հ.Գ. Մեր դիվանագետների ջանքերով Ռադայի անադեկվատ թվիթը ջնջվեց։
