«Ռոսկոմնադզորը» Ռուսաստանում արգելափակել է Google News ծառայությունը, հաղորդում է «Ինտերֆաքսը»՝ վկայակոչելով գերատեսչության հաղորդագրությունը:
«Ռուսաստանի Գլխավոր դատախազության պահանջի հիման վրա Ռոսկոմնադզորն արգելափակել է հասանելիությունը News.Google ինտերնետային ծառայությանը երկրի տարածքում»,- ասվում է հաղորդագրության մեջ:
Հաղորդագրության մեջ նշվում է, որ այդ ծառայությունը հասանելիություն է ապահովում բազմաթիվ հրապարակումների և նյութերի, որոնք «հանրային կարևոր նշանակության թեմաներով ոչ հավաստի տեղեկություն են պարունակում Ուկրաինայի տարածքում հատուկ ռազմական գործողության վերաբերյալ»:
Պատրաստեց Վիկտորյա ԱՆԴՐԵԱՍՅԱՆԸ
