«Տավուշի մարզի Կիրանց գյուղում, օրինակ, արտագաղթ չկա, բայց 15-20 երիտասարդ ընտանիքները բնակարանների խնդիր ունեն»,-ԱԺ-կառավարություն հարցուպատասխանի ժամանակ այսօր ասաց «Հայաստան» խմբակցության պատգամավոր Գեղամ Նազարյանը։
Նարեկ Մկրտչյան
Ի պատասխան՝ աշխատանքի եւ սոցիալական հարցերի նախարար Նարեկ Մկրտչյանը տեղեկացրեց, որ երեխայի ծնունդի դեպքում տրվող աջակցության պետական ծրագիր կա, որին կարող են դիմել նաեւ սահմանամերձ համայնքների բնակիչները եւ ապահովվել բնակարանով։
Գեղամ Նազարյանը պնդեց, որ խնդիրը շատ հասցեական է․ «Մարդիկ կացարանի, նորմալ պայմանների խնդիր ունեն։ Գոնե փոքր քոթեջներ լինեն, որոնք մարդիկ ձեռք կբերեն, որովհետեւ բանկերը սահմանում ապրող գյուղերում չեն անում վարկավորում՝ պատճառաբանելով, որ ռիսկայնությունը շատ մեծ է։ Նման դեպքերում պետությունը պետք է ցույց տա, որ ուժեղացնում է սահմանամերձ բնակավայրերը։ Քննարկե՞լ եք տարբերակ, որ գյուղացու համար փոքր բնակարան կառուցվի՝ հնարավորություն տալով 15-20 տարում մարել գումարը»։
Նարեկ Մկրտչյանը պատասխանեց, որ սահմանամերձ բնակիչների կյանքը թեթեւացնելու համար կառավարությունում ծրագրեր քննարկվում են եւ պատգամավորի հետ եւս պատրաստ են հավելյալ քննարկումներ անել։
Կարդացեք նաև
Լուիզա ՍՈՒՔԻԱՍՅԱՆ
