ԱԺ-կառավարություն հարցուպատասխանի ժամանակ այսօր «Պատիվ ունեմ» խմբակցության պատգամավոր Աննա Մկրտչյանի հարցերը կրկին վերածվեցին ելույթի․ ամբիոնին մոտեցող պաշտոնյա չեղավ, թեեւ պատգամավորի հարցերի հասցեատերը վարչապետն էր։
Աննա Մկրտչյանը գնահատական հայտնեց, որ հաշվի առնելով նախորդ հարցուպատասխանի ժամանակ այս ամբիոնից եղած «ցնցումները» եւ խուսափողական պատասխանները՝ կարելի է ասել, որ երկրում վարչապետ չկա։ Ըստ պատգամավորի՝ այս շաբաթվա ընթացքում «իշխանազավթ խմբակի» ներկայացուցիչները կրկին մտքի գոհարներ են շաղ տվել՝ ասելով, թե Արցախի՝ Ադրբեջանի կազմում լինելու հարցը դեռ կքննարկեն, կամ պետք է սովորել առանց գազի ապրել։
Պատգամավորի ելույթից հետո ԱԺ փոխնախագահ Ռուբեն Ռուբինյանն արձագանքեց․ «Տիկին Մկրտչյան, իշխանազավթ խմբակը ՀՀ-ից 2018թ․-ին վռնդվել է անվերադարձ»։
«Հայաստան» խմբակցությունից Գեղամ Նազարյանն էլ իր հերթին ԱԺ նախագահությանը հորդորեց թույլ չտալ, որ ամբիոնից որեւէ մեկը մատ թափ տա կամ սպառնա․ «Սա այդ տեղը չի։ Որպես նիստը նախագահող՝ ապահովեք այդ ամենը»։
Կարդացեք նաև
Լուիզա ՍՈՒՔԻԱՍՅԱՆ
