ԱԺ պաշտպանության եւ անվտանգության հարցերի հանձնաժողովի նախագահ Անդրանիկ Քոչարյանի խոսքերը, որ պետք է միակամ լինենք եւ սովորենք ապրել՝ փակ գազատարի պայմաններում, սոցցանցերում բուռն քննադատությունների տեղիք է տվել:
Այսօր ԱԺ-ում լրագրողների հետ զրույցում նա պարզաբանեց իր խոսքերը. «90-ականներին մենք ապրել ենք: Երբ որ գազը չլինի, մենք ի՞նչ պիտի անենք, ինչ-որ մի բանով պիտի տաքանանք: Բայց չի նշանակում, որ գազատարը պետք է չվերականգնվի, պարզ չի՞ դա: Ի՞նչ եք առաջարկում, գազատարը հիմա իրենց վերահսկողության տակ է»:
Դիտարկմանը՝ մենք չէ, դո՛ւք պետք է առաջարկեք, հարցերն արագ լուծեք՝ Անդրանիկ Քոչարյանը պատասխանեց. «Ես իմ հարցազրույցում ասել եմ, որ պետք է ցանկացած իրավիճակում կարողանանք ապրել, ապրելով ստեղծագործել, ստեղծագործելով միասնաբար դուրս գալ մեկ այլ մակարդակի վրա: Այնքան պարզ եմ դա ասել, բայց ձեր հեռուստաընկերությունը չի կարող դա հասկանա»:
Կարդացեք նաև
Հռիփսիմե ՋԵԲԵՋՅԱՆ
