«Ա1+»-ի հետ զրույցում ասաց քաղաքագետ Ալեն Ղևոնդյանը՝ պատասխանելով հարցին՝ ինչպիսի՞ն կլինեն հետևանքները, եթե Ռուսաստանը դուրս գա ԵԱՀԿ Մինսկի համանախագահությունից։ Նա նշեց, որ նախ պետք է հասկանալ, թե ինչու պետք է ՌԴ-ն դուրս գա իր համար կարևոր հարթակից։
«Ես չեմ կարծում, որ դա խելամիտ մոտեցում է, բայց ապրում ենք մի դարաշրջանում, որ ցանկացած դատողություն անհրաժեշտ տեխնոլոգիաների կիրառման միջոցով սկսվում է հանրայնացվել։ Չեմ կարծում, որ Ռուսաստանն իր առջև նման օրակարգ ունի, ընդհակառակը՝ ՌԴ-ն ակտիվացնելու է իր ներգրավվածությունը, որովհետև ռուս-ուկրաինական ճգնաժամն ուղղված է Ռուսաստանի դերակատարման մեծացմանը և նոր աշխարհակարգի ստեղծմանը»,- նշում է քաղաքագետը՝ շեշտելով, որ Ռուսաստանը իր ուժի և իր ազդեցության ոլորտների վերաբաշխում և ռեստարտ է սկսել։
Վերադառնալով հայ-ադրբեջանական խաղաղության պայմանագրին, Ալեն Ղևոնդյանն ընդգծեց․ «Դա Հայաստանի կապիտուլյացիայի և Հայաստան պետության չգոյության պայմանագիր է։ Ադրբեջանը ձևակերպել է իր բոլոր շահերը և ամեն կերպ ճնշելու է, որ այդ պայմանագիրը իրողություն դառնա»։
Քաղաքագետը, հիշեցնելով ՀՀ ԱԳՆ Արարատ Միրզոյանի հայտարարությունը, թե «իրենք առարկություններ չունեն», հարց է հնչեցնում՝ ո՞ւմ երկրի ԱԳ նախարարն է Արարատ Միրզոյանը, արդյո՞ք ինքը կապ ունի ՀՀ շահերի հետ։
Կարդացեք նաև
Մանրամասները՝ տեսանյութում։
