Որոշ ընդդիմադիր պատգամավորներ «Քաղաքացիական պայմանագիր» խմբակցության պատգամավոր, պաշտպանության նախկին փոխնախարար Գագիկ Մելքոնյանի՝ օրերս արցախահայության մասին արտահայտած մտքերն անթույլատրելի եւ դավաճանական էին որակել։ ԱԺ լիագումար նիստում այսօր Մելքոնյանն անդրադարձավ այդ գնահատականներին․ «Ստիպված եմ նաեւ այս դահլիճում նստած որոշ պոռոտախոսների հիշեցնեմ, որ կյանքիս լավագույն տարիներս նվիրել եմ Արցախի պաշտպանությանը։ Երբ խոսում եմ վերջին պատերազմում Արցախից ոմանց խայտառակ փախուստի մասին, նկատի ունեմ ոչ թե ամբողջ արցախահայությանը, այլ որոշ գեներալների, հրամանատարների եւ պաշտոնյաների, որոնց վախկոտ եւ դավաճանական գործունեության արդյունքում Արցախի որոշ շրջաններում՝ Հադրութում, խուճապ ու զանգվածային փախուստ սկսվեց։ Հավանաբար, այդ պոռոտախոսներն իմ ասածներում ճանաչել են իրենց որոշ կուսակիցների, դրա համար են ասածներս այդքան ծանր տանում»։
Լուիզա ՍՈՒՔԻԱՍՅԱՆ
