Այսօր Մարդու իրավունքների պաշտպան Քրիստինե Գրիգորյանն ասաց, որ ծանոթ է Սյունիքի մարզի Ներքին Հանդում տիրող իրավիճակի մասին հրապարակումներին:
Պաշտպանը լրագրողների հարցերին պատասխանեց կառավարության նիստից հետո տեղի ունեցած ճեպազրույցում: Նրա խոսքով՝ Մարդու իրավունքների պաշտպանի արագ արձագանքման խումբը մեկնել է Ներքին Հանդ՝ բնակչության կենցաղային, անվտանգության պայմաններին ծանոթանալու համար. «Խնդիրները կարձանագրվեն: Մենք կներկայացնենք մեր առաջարկները։ Ես ինքս նախատեսում եմ ապրիլի սկզբին այցելել մարզ եւ պատրաստվում եմ հանրության հետ կիսվել այցի արդյունքներով։ Եթե լինեն սեփականության իրավունքի խախտման դեպքեր, դրանք կարձանագրվեն»:
Քրիստինե Գրիգորյանը, պատասխանելով նախկին պաշտպան Արման Թաթոյանի գործողությունների համեմատ ուշացած արձագանքի վերաբերյալ իրեն ուղղված մեղադրանքներին, ասաց, որ օգտակար եւ ճիշտ չի համարում Մարդու իրավունքների պաշտպանի մանդատի համար հանրությանը առաջինն ինչ-որ բան հայտնելը, եւ որ այդպիսի հարցերը պետք է անի պաշտպանական գերատեսչությունը: «Օմբուդսմենի թիրախները պետք է լինեն մարդու իրավունքների հարցերը, այլ ոչ թե անվտանգության, զորքերի տեղաշարժին կամ ռազմական գիտելիքներ եւ տեղեկատվություն պահանջող այլ հարցերին առաջինն արձագանքելու ձգտումը: Մեզ վրա դրված չէ ՊՆ-ի հայտարարությունները հաստատելու կամ հերքելու գործառույթ, որն էլ առաջինը պետք է արձագանքի այդ հարցերին»,-ասաց Քրիստինե Գրիգորյանը։
Նա հայտնեց, որ չի պատրաստվում հետ վերցնել Արման Թաթոյանի կողմից Սահմանադրական դատարան ներկայացված որեւէ հայց:
Կարդացեք նաև
Լուսինե ԲՈՒԴԱՂՅԱՆ
Հաստատ շատ ճիշտ է ասում նոր օմբուցմենը։ Նախորդը իր փիառի համար ինչ ասես խառնում էր իրար ու ներկայացնում որպես իրավապաշտպանություն