Ս.թ. մարտի 15-ին Իտալիայում ՀՀ դեսպան Ծովինար Համբարձումյանը Աբրուցցոյի մարզկենտրոն Պեսկարա քաղաքում մասնակցեց և ելույթով հանդես եկավ Հայաստանին և հայկական մշակույթին նվիրված Փառատոնի բացման արարողությունը, որը կազմակերպվել է Հայաստանի և Իտալիայի միջև դիվանագիտական հարաբերությունների հաստատման 30-ամյակի կապակցությամբ։
Փառատոնը բացվեց «Կարաբբա Էդիտորե Լանչանո» /Carabba Editore Lanciano/ հրատարակչության տպագրած «Հայկական ժողովրդական երգեր» գրքի շնորհանդեսով, որն առաջին անգամ լույս էր տեսել հարյուր տարի առաջ՝ 1921թ․։
Ժողովածուի մեջ տեղ են գտել հայ գրող, բանասեր, լրագրող և հասարակական գործիչ Արշակ Չոբանյանի /Արշակ Չոպանյան, Arshag Chobanian, 1877-1954թթ․/ կողմից Վենետիկի և Վիեննայի հայկական միաբանություններում պահվող ձեռագրերից հավաքված աշուղական և ծիսական երգեր, բանաստեղծություններ, աղոթքներ, ժողովրդական երգեր՝ իտալերեն թարգմանությամբ։
Կարդացեք նաև
Թարգմանությունները կատարել է իտալացի գրող Դոմենիկո Չամպոլին /Domenico Ciampoli, 1852-1929 թթ․/։
Իտալիայում Հայաստանի դեսպանություն
