«Ապօրինաբար հատելով Ուկրաինայի սահմանը՝ ՌԴ-ն նաև հատել է մեր կազմակերպության կարմիր գծերը»,-Եվրոպայի խորհրդի խորհրդարանական վեհաժողովի (ԵԽԽՎ) արտահերթ նստաշրջանի լիագումար նիստի ընթացքում հայտարարեց ԵԽԽՎ նախագահ Թինի Կոքսը:
ԵԽԽՎ արտահերթ նստաշրջանը սկսվեց մեկ րոպե լռությամբ՝ ի աջակցություն Ուկրաինայի ժողովրդի:
Մինչ ԵԽ-ի շենքում անցկացվում էր ԵԽԽՎ լիագումար նիստը, ԵԽ-ի բակում տեղի էր ունենում ցույց ի աջակցություն Ուկրաինայի «Մենք Ուկրաինայի կողքին ենք», «Ոչ պատերազմին» կարգախոսներով:
Debat des consequences de l’agression de la Federation de Russie contre l’Ukraine lors d’une session extraordinaire – Groupe politique de l’APCE reunis sur le parvis du Conseil de l’Europe
Այնուհետև ԵԽԽՎ նախագահը փաստեց՝ ԵԽ յուրաքանչյուր անդամ պետություն պետք է արդյունավետ կերպով համագործակցի, որպեսզի համատեղ ջանքերով իրագործվեն այն նպատակները, որոնք կազմակերպությունն իր առաջ դրել է:
Կարդացեք նաև
Նա հիշեցրեց՝ ԵԽԽՎ լիագումար նիստի ընթացքում՝ մինչ Ուկրաինայի դեմ զինված գործողություններ սկսելը, Վեհաժողովը կասկածի տակ էր դրել ռուսական պատվիրակության լիազորությունների հարցը: ԵԽԽՎ նախագահը փաստեց՝ այսօր է ՌԴ-ն շարունակում է իր ապօրինի գործողությունները Ուկրաինայում, ինչի պատճառով միլիոնավոր ուկրաինացիներ ստիպված են լքել իրենց երկիրը: Նա կարևորեց Ուկրաինայի աջակցության հարցում անդամ երկրների համերաշխությունը, իսկ դիմելով ՌԴ-ին՝ Թինի Կոքսն ասաց՝ եթե ՌԴ- լսում է իրենց ձայնը, ապա պետք է հրատապ դադարեցնի իր ապօրինի գործողությունները:
Այնուհետև նշեց. «Ուզում եմ հույս հայտնել, որ այս պատերազմը, որը հազարավոր ուկրաինացիների կյանքեր է խլում, շուտով կավարտվի, և խաղաղություն կտիրի: Եթե դուք այս հույսը կիսում եք, ոտքի կանգնենք ու միասին ծափահարենք մեր ուկրաինացի գործընկերների համար»:
Ողջ վեհաժողովը ոտքի կանգնեց, ու պատգամավորները ծափահարեցին ի աջակցություն Ուկրաինայի:
Ըստ օրակարգի՝ նախատեսված էր նաև Ուկրաինայի նախագահ Վլադիմիր Զելենսկու հայտարարությունը, սակայն ԵԽԽՎ նախագահը տեղեկացրեց, որ նրա փոխարեն կմիանա երկրի վարչապետը: Վարչապետը ևս չկարողացավ միանալ, քանի որ կապի հետ կապված խնդիր առաջացավ: Նա ելույթ կունենա լիագումար նիստի երկրորդ հատվածում՝ Երևանի ժամանակով ժամը 18.00-ին:
Տաթև ՀԱՐՈՒԹՅՈՒՆՅԱՆ
