Պլովդիվում ազատ ոճի ըմբշամարտի Հայաստանի մինչեւ 23 տարեկանների հավաքականը Եվրոպայի առաջնության մեկնարկային օրվա արդյունքներով նվաճել է երկու արծաթե եւ մեկ բրոնզե մեդալ:
Եզրափակիչ մտած 65 կգ քաշային Հրաչյա Մարգարյանը եւ 70 կգ Նարեկ Հարությունյանը պարտվեցին վճռորոշ գոտեմարտերում եւ բավարարվեցին երկրորդ տեղով: Բրոնզե մեդալի համար փայլուն գոտեմարտ անցկացրեց 57 կգ քաշային Էդիկ Հարությունյանը, որը մեկուկես րոպեում 10:0 հաշվով բացահայտ առավելությամբ շարքից հանեց թուրք Յուսուֆ Դեմիրին:
Աշոտ ՀԱԿՈԲՅԱՆ
