«Եթե ռուսների ներհոսքից մեկ տոկոսը պահպանվի, վստահ եղեք, Հայաստանը կունենա 10 տոկոսից ավելի տնտեսական աճ»,- «Ա1+»-ի եթերում անդրադառնալով Ռուսաստանից Հայաստան եկող մասնագետների մեծ հոսքին՝ ասաց տնտեսագիտության դոկտոր-պրոֆեսոր Թաթուլ Մանասերյանը։
Թ․Մանասարյանը գտնում է, որ պետք է փորձել անգամ այդ ճգնաժամից օգուտներ քաղել, օրինակ՝ մեր երկիրը պետք է Ռուսաստանից մեծ քանակությամբ հումք՝ էներգակիրներ, հացահատիկ, փայտանյութ ներկրի և դրա համար ռուբլիով վճարի։ Հատկապես, որ ՌԴ-ն արդեն ռուբլիով առևտուրը խրախուսում է։
Անդրադառնալով մտահոգություններին, թե ռուս-ուկրաինական պատերազմի արդյունքում աշխարհում ու Հայաստանում հնարավոր պարենային հնարավոր անբավարարությանը՝ ասում է, եթե իրեն հնարավորություն տրվի, ապա այս տարի կլուծի հատկապես հացահատիկի խնդիրը՝ հենց մեր երկրի տարածքում։ Նա գտնում է, որ առաջին անհրաժեշտության 10 ապրանքախմբերը՝ հացահատիկը, մսամթերքը, կաթնամթերքն ու մյուս ապրանքներն ըստ պահանջարկի, կարող են ամբողջությամբ Հայաստանում արտադրվել։
Ինչ վերաբերում է կոնկրետ հացահատիկին, տնտեսագետը հավատացնում է, թե Հայաստանը Արցախի հետ միասին արտադրել է ավելի շատ հացահատիկ, քան պաշտոնական վիճակագրությունն է դա ներկայացրել։ Պարզապես, այն թաքցրել են ցորենի ստվերային շրջանառություն իրականացնելու պատճառով։
Կարդացեք նաև
Թ․Մանասերյանը նաև վստահեցնում էր, որ այս տարի ոչ թե պետք էր բարձրացնել գազի, էլեկտրաէներգիայի և ջրի սակագները, այլ հակառակը՝ իջեցնել, և դրա համար կային բոլոր հիմքերը։
Մանրամասները՝ սկզբնաղբյուր կայքում
