«Հետո ի՞նչ, Ադրբեջանն իր պահվածքով չպետք է մեզ շեղի այդ ճանապարհից: Մենք պետք է իսկապես կարողանանք խաղաղություն հաստատել տարածաշրջանում»,-այսօր այս մասին ասաց ՀՀ նախագահ Վահագն Խաչատուրյանը՝ անդրադառնալով Ադրբեջանի կողմից իրականացվող սադրանքներին:
Կառավարության նիստից հետո նորընտիր նախագահը պատասխանեց լրագրողների հարցերին, սակայն նրանց, որոնք քաղաքական բովանդակությամբ չէին:
Պարոն Խաչատուրյանը հիմնականում խոսեց տնտեսական խնդիրներից՝ նշելով, որ բոլոր մնացած հարցերի մասին կխոսի այս կիրակի օրը տեղի ունեցող երդմնակալության արարողությունից հետո:
Վահագն Խաչատուրյանն ասաց, որ Հայաստանը պետք է հասնի խաղաղության՝ տնտեսական, ռազմական հզորության, դիվանագիտության եւ արտաքին քաղաքականության միջոցով։
Կարդացեք նաև
«Մենք պետք է պաշտպանվենք եւ պաշտպանվելով՝ պետք է ասենք, որ մենք պաշտպանված ենք եւ պետք չէ մեզ հետ այդպես խոսել»,-ասաց նա:
Լուսինե ԲՈՒԴԱՂՅԱՆ
