Մոտ մեկ ժամ առաջ ավտոներկրողներով հավաքվել էինք ՊԵԿ-ի դիմաց, որովհետև ունենք որոշ խնդիրներ՝ կապված մաքսային հսկիչ գների թանկացման հետ։ «Ա1+»-ի հետ զրույցում ասաց վարորդների պաշտպանության լիգայի նախագահ Տիգրան Հովհաննիսյանը՝ նշելով, որ մաքսային հսկիչ գները, որոնք գործում են 2020 թվականից, անհասկանալի պատճառներով փոփոխությունների է ենթարկվել մաքսային մարմնի կողմից։
«Այս գները նրանք համարում են ոչ հավաստի և ցանկանում են երկու անգամ թանկացնել»,- ասաց Տիգրան Հովհաննիսյանը՝ հավելելով, որ իրենք դիմում են գրել ՊԵԿ-ում և պայմանավորվել են հանդիպել պատասխանատուների հետ ընդհանուր հայտարարի գալու համար։
Ըստ Վարորդների պաշտպանության լիգայի նախագահի, 2020 թվականին իրենք մոտ 30 հազար մեքենա են կուտակել, և այդ մեքենաները դարձել են թափոն։
«Դեմ չենք օրինական աշխատել, փոխանցման անդորրագրերով։ Մենք էլ ենք ուզում։ Բա մենք տասը ավտոներկրող ընկերություն ենք հիմնել, որը ներմուծել է 50 հազարից ավելի մեքենա՝ 2500 ավտոներկրող, 2500 մարդ։ Պատկերացնում ե՞ք»,-ասաց Տիգրան Հովհաննիսյանը՝ հավելելով՝ «Սպեկուլյանտ» էին մեր անունը դրել, էսօր դառել ենք օրինական ընկերության աշխատակիցներ։ Բա չարժե՞ մեզ հետ նստեն քննարկեն»,- հարցնում է Հովհաննիսյանը։
Կարդացեք նաև
Անդրադառնալով մաքսազերծման խնդրին՝ Վարորդների պաշտպանության լիգայի նախագահը նշում է, որ իրենք գնում են Գյումրի՝ մաքսազերծելու և բացատրում, թե ինչու․
«Այստեղ տասնյակ մաքսային տերմինալներ կան, ինչի՞ ենք գնում՝ դե վարչապետն ուզել ա, գնում ենք։ Չգիտեմ, կառավարության ցանկությունն է։ Երեք տարի է գնում ենք, բայց ծախսեր ենք անում՝ գնալ-գալով»,- ասաց Տիգրան Հովհաննիսյանը։
Մանրամասները՝ տեսանյութում։
