«Իշխանությանը թվում է, թե կգա պահ, որ ես ու ընկերներս կհոգնենք ճշմարտությունը հնչեցնել։ Իշտահներիդ քացախ․ ես երբեք չեմ հոգնի դա կրկնել»,- այսօր խորհրդարանում լրագրողների հետ ճեպազրույցում հայտարարեց «Պատիվ ունեմ» խմբակցության պատգամավոր Հայկ Մամիջանյանը՝ անդրադառնալով իշխանական պատգամավորների պնդումներին, թե նախորդ իշխանությունը բանակցել է Արցախի տարածքները հանձնելու շուրջ եւ այդ ժառանգությունն է մնացել Նիկոլ Փաշինյանին։
«Բանակցությունների ընթացքը կապիտուլյացիայի արդյունքում հողերը հանձնելու հետ համեմատելն անհիմն է։ Երկրորդ, ՀՀ հիմնական բանակցողները մինչեւ Նիկոլ Փաշինյանը երբեւէ չեն բանակցել որեւէ բան տալու մասին։ Բանակցությունների առանցքը եղել է այն, թե ինչ են ստանալու ՀՀ-ն եւ Արցախը։ Իսկ Շուշին, Հադրութը, Մարտունու, Մարտակերտի, Ասկերանի գյուղերը երբեւէ չեն քննարկվել բանակցային գործընթացում։ Դա անգրագիտություն է կամ անարգանք քաղաքացիների հանդեպ։ Ասածներս հաստատված են ՌԴ նախագահի, Ալիեւի, համանախագահողների հայտարարություններով»,-նշեց պատգամավորը։
Հայկ Մամիջանյանի խոսքով՝ քրոնիկ կապիտուլյանտ լինելը եւ ապիկարությունը, բանակը քայքայելու փաստերը «Փաշինյանի գրպանը գցեցին» թեզով քողարկելն արդեն հնացած հնարք է իշխանության համար․ «Ժողովրդական լեզվով ասած՝ ջանները թող յուղեն, որովհետեւ այս մասին անընդհատ խոսելու ենք»։
Կարդացեք նաև
Լուիզա ՍՈՒՔԻԱՍՅԱՆ
