Վարչապետի աշխատակազմի սփյուռքի գործերի գլխավոր հանձնակատար Զարեհ Սինանյանն ԱԺ ընդդիմադիր խմբակցությունների պահանջով պետք է հրավիրվի ԱԺ գլխադասային հանձնաժողով՝ ներկայացնելու իր գործունեության շոշափելի արդյունքները։ Այս մասին այսօր խորհրդարանում լրագրողների հետ ճեպազրույցում հայտարարեց «Պատիվ ունեմ» խմբակցության պատգամավոր Հայկ Մամիջանյանը։
«Փաստեմ, որ որեւէ կերպ չեմ տեսել հանձնակատարի ներգրավումն Ուկրաինայի շուրջ իրավիճակով պայմանավորված մեր հայրենակիցների անվտանգությունը եւ տեղափոխությունն ապահովելու գործում։ Չգիտեմ՝ դա արվո՞ւմ է, թե ոչ։ ԱԳՆ-ն իր վրա վերցրեց գործառույթի պատասխանատվությունը, բայց հանձնակատարի ներգրավումը չեմ տեսնում։ Գուցե դա նաեւ լավ է՝ հաշվի առնելով մամուլի տեղեկությունները, որ Ֆրանսիայում պարոն Սինանյանը սկանդալի կենտրոնում է հայտնվել՝ կասկածելի հանդիպումների հետեւանքով վիրավորելով կարեւոր կառույցներից մեկին, չմասնակցելով ընթրիքի»,-նշեց Հայկ Մամիջանյանը։
Նրա խոսքով՝ եթե Զարեհ Սինանյանը ներկայանա ԱԺ եւ աշխատանքի հաշվետվություն ներկայացնի, պատկերն ավելի պարզ կլինի․ «Բայց ես ավելի շատ կասկած ունեմ ոչ թե կատարած, այ չկատարած աշխատանքի մասին»։
Կարդացեք նաև
Լուիզա ՍՈՒՔԻԱՍՅԱՆ
