«Ցանկացած պատերազմ որեւէ լավ բանի չի բերում։ Վերջիվերջո, բոլորն էլ նստելու են ու պայմանավորվեն։ Արդյունքում տուժում է ժողովուրդը։ Ուկրաինայի ժողովուրդը կրակոցների տակ է, իսկ ՌԴ ժողովուրդն ընկնում է պատժամիջոցների տակ»,- խորհրդարանում լրագրողների հետ ճեպազրույցում այսօր հայտարարեց «Հայաստան» դաշինքի պատգամավոր, ԱԺ տնտեսական հարցերի հանձնաժողովի նախագահ Վահե Հակոբյանը։
Նրա խոսքով․ «Միաժամանակ չենք մոռացել Ուկրաինայի ղեկավարության պահելաձեւը եւ դիրքորոշումը պատերազմի ավարտից հետո, երբ Զելենսկին շնորհավորում էր Ալիեւին եւ ամեն կերպ աջակցում, օգնում Ադրբեջանին պատերազմի օրերին»։
Ըստ Վահե Հակոբյանի՝ Հայաստանի դիրքորոշումը Ուկրաինայի ժողովրդի եւ ղեկավարության հանդեպ պետք է լինի տարանջատված․ «Ուկրաինան անհեռատես քաղաքականության հետեւանքով հասավ այս վիճակին եւ ՌԴ-ին դրեց մի վիճակում, երբ վերջինս չուներ այլընտրանք։ Իրավիճակը շատ անորոշ է, չգիտենք, թե վաղն ինչ երկրում ենք արթնանալու։ Պետք է պահենք զգույշ քաղաքականությունը։ Փակագծերը հիմա չեմ ուզում բացել»։
Կարդացեք նաև
Լուիզա ՍՈՒՔԻԱՍՅԱՆ
