«Ապառաժ» -ի հաղորդմամբ՝ այսօր` մարտի 5-ին «Արդարություն» կուսակցության երիտասարդական թևը կազմակերպել է խաղաղ ակցիա ի պաշտպանություն Դոնեցկի Ժողովրդավարական և Լուգանսկի Ժողովրդավարական հանրապետությունների ճանաչման իրավունքի։
Ակցիայի մասնակիցները պարեզել են «Մենք միասին ենք», «ԴԺՀ, ԼԺՀ, ԼՂՀ» գրությամբ պաստառներ։
«Ամեն ինչ այնքան սահուն էր ընթանում, մինչև այն պահը, երբ ակցիային խառնվեցին երկու կարմրամազ տիկիններ՝ փորձելով տարատեսակ սադրանքների միջոցով, խափանել միջոցառումը։ Ասում էին, իբր, իրենք ազգությամբ հայ են՝ արցախցի, բայց Ուկրաինայից են։ Ոստիկանությունը խնդրեց ցույց տալ հայկական անձնագրերը, սակայն պարզվեց՝ չունեն։ Ինչպես ավելի ուշ իմացանք, սրանք ծռիստական սադրիչներ էին, որ հատուկ գործուղվել էին Արցախ՝ խափանելու պրոռուսական խաղաղ ակցիան»,- «Փաստինֆո»-ի հետ զրույցում ասել է Արցախի Ազգային ժողովի «Արդարություն» դաշինքի պատգամավոր Մետաքսե Հակոբյանը։
Մետաքսե Հակոբյանը մանրամասնել է՝ ինչպես հետո պարզել են, տարօրինակ վարքով աչքի ընկած անծանոթ կանայք Ուկրաինայի քաղաքացիներ են եղել, որ արևմտամետ որոշ կազմակերպություններից ֆինանսավորող միջոցներով հասել են Արցախ, իսկ, ինչպես վերջում է պարզվել՝ նրանց Արցախ է գործուղել «Սասնա ծռեր» միավորումը, որի ինչ- որ թևին են հարում վերոհիշյալ կանայք։
