Ուկրաինայի նախագահ Վլադիմիր Զելենսկին քննադատել է ՆԱՏՕ-ին Ուկրաինայի երկինքը չփակելու որոշման համար:
Հիշեցնենք, մարտի 4-ին ՆԱՏՕ-ի անդամ երկրների արտգործնախարարները Բրյուսելում տեղի ունեցած խորհրդակցությանը մերժել էին Ուկրաինային օդից պաշտպանելու մի քանի երկրների առաջարկը:
«Այսօր տեղի ունեցավ ՆԱՏՕ-ի գագաթնաժողովը: Թույլ, մոլորված գագաթնաժողով: Գագաթնաժողով, որտեղ երևում է, որ բոլորը չէ, որ Եվրոպայի ազատության համար մղվող պայքարը համարում են համար մեկ խնդիր: ՆԱՏՕ-ի բոլոր երկրների հետախուզությունները հիանալի գիտեն թշնամու ծրագրերը: Նրանք նաև հաստատել են, որ Ռուսաստանը ցանկանում է շարունակել հարձակումը… 9 օր մենք տեսնում ենք դաժան պատերազմ… Իմանալով, որ նոր հարվածներն ու զոհերն անխուսափելի են, ՆԱՏՕ-ն գիտակցաբար որոշում ընդունեց չփակել Ուկրաինայի երկինքը»,- ասել է Զելենսկին ժողովրդին ուղղված իր ուղերձում:
Ըստ Ուկրաինայի նախագահի՝ ՆԱՏՕ-ի երկրները առաջ են քաշել մի թեզ, ըստ որի այդ գործողությունը կսադրեր Ռուսաստանի կողմից ուղիղ ագրեսիա դաշինքի դեմ: «Դա ինքնաներշնչանք է թույլերի և նրանց համար, ովքեր ներքուստ վստահ չեն… Ի՞նչ էիք մտածում այդ նիստին: Այսօրվանից սկսած ովքեր կզոհվեն, կզոհվեն նաև ձե՛ր պատճառով: Ձեր թուլության պատճառով»,- ասել է Զելենսկին:
Կարդացեք նաև
Պատրաստեց Վիկտորյա ԱՆԴՐԵԱՍՅԱՆԸ
