Aravot.am-ը Գյումրու գլխավոր ճարտարապետ Հենրիկ Գասպարյանից հետաքրքրվեց, թե շոկոլադի գործարան հիմնելու առաջարկը ուժի՞ մեջ է, թե՞ ներդրողը մտափոխվել է։
Հիշեցնենք, որ Գյումրու քաղաքապետ Վարդգես Սամսոնյանը իր պաշտոնավարումից կարճ ժամանակ անց մեզ հայտնել էր, որ Գյումրիով հետաքրքրված է Երևանի շոկոլադի գործարաններից մեկի հիմնադիրը։ Նա ցանկություն ունի մասնաճյուղ բացել, դիմել է քաղաքապետարանի քաղաքաշինության բաժին, շուտով կհանդիպի իր հետ ու կքննարկեն հարցը։
Հենրիկ Գասպարյանն ասաց, որ մի անգամվա հանդիպումից հետո գործարանի սեփականատիրոջ կողմից այլևս արձագանք չի եղել։
Գյումրիում ներդրումներ անելու ցանկություն է հայտնել նաև նորաստեղծ մի կազմակերպություն, որը դիմում է գրել՝ խնդրելով տարածքներ տրամադրել բենզալցակայաններ կառուցելու նպատակով։
Կարդացեք նաև
Գյումրու քաղաքապետարանը կտրուկ մերժել է այս առաջարկը։
«Նախ ազատ տարածքներ չունենք, որոնք կհամապատասխանեն բենզալցակայաններ կառուցելու չափանիշներին և հետո կարծում եմ՝ մեր քաղաքում եղած լցակայանները լրիվ բավարարում են մեր քաղաքի պահանջներին։ Դա այն ոլորտը չէ, որ պիտի զարգանա կամ նոր օբյեկտներ կառուցվեն»,- ասաց քաղաքի գլխավոր ճարտարապետը։
Նունե ԱՐԵՎՇԱՏՅԱՆ
Լուսանկարը՝ Տիգրան Գասաբյանի
